- esser cunresponsabla per la transfurmaziun, la strategia da purschida e la distribuziun dal program RTR
- identifitgar, tgirar, plazzar e coordinar temas
- sustegnair ed accumpagnar producentAs tar la planisaziun e la realisaziun da differentAs istorgias/ formats
- manar persunal tenor AKV (incumbensas, cumpetenzas e responsabladads)
- responsabladad da budget
- collavuraziun en projects interns (RTR e SSR)
- collavuraziun en boards naziunals da la SSR
- fitg bunas enconuschientschas ed interess en ils champs da la politica, economia, societad, cultura e sport
- plaschair da surpigliar responsabladad ed era l'abilitad da decider
- gust da sviluppar vinavant noss formats dad audio e video
- ina mentalitad da «hands-on» e giaudas da lavurar il medem mument vi da fitg differents projects
- plaschair d'esser communicativA e tgirar il dialog cun noss public e la squadra RTR
- tschaffen da lavurar en in team e da contribuir cun tia persunalitad ad in bun clima da lavur
- bunas enconuschientschas da las linguas naziunalas (rumantsch, tudestg e franzos, autras linguas d'avantatg)
- in profil da plazza fitg varià (persunas, projects, barat)
- in team motivà ed engaschà
- spazi per in agir creativ, innovativ e lavur autonoma
- lieu da lavur è Cuira cun pussaivladad da far homeoffice
- contract da lavur collectiv cun fitg bunas prestaziuns
- pussaivladad da visitar scolaziuns internas ed externas «Jau hai il privilegi da ma fatschentar ensemen cun ina squadra mirvegliusa e creativa di per di cun ils pli differents aspects da nossa vita. Igl è ina lavur captivanta, nua ch'ins ha la pussaivladad ed ils mezs da raquintar e spievlar istorgias en tut lur fassettas cun tuns, maletgs e texts.»
Manadra u manader reflexiun - Chur, Schweiz - Radio Télévision Suisse (RTS)
Beschreibung
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran passa 170 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment. Actual tschertgain nus ina nova manadra u in nov manader per la redacziun da reflexiun – insatge per Tai?
La persuna maina la redacziun reflexiun e responsescha quel cuntegn sin tut ils chanals (audio, video, digital). Ella procura, che l'entir spectrum tematic (politica, economia, cultura, scienza, societad e sport) vegn resguardà ed è preschent en ils formats d'emissiuns correspundentas. La persuna responsescha l'applicaziun e la transposiziun da las directivas publicisticas, dat inputs e resuns ed è persuna da contact per producentAs e collavuraturAs. Sco commembra da la schefredacziun è la persuna conresponsabla per strategias, lavurs concepziunalas ed en general per la direcziun publicistica da RTR. Ella promova, coordinescha e sviluppa vinavant il barat e la collavuraziun tematica (intern ed er extern).
Nus duvrain Tai per
Has Ti
Nus purschain a Tai
Guadench Dazzi, manader reflexiun
Nossa purschida Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTRSchurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.